ATIB sədri “İslam mədəniyyətində elm və texnologiya” mövzusunda beynəlxalq simpoziumunda iştirak etdi

Fevralın 20-də Xəzər Universitetində IRCICA (Research Center for Islamic Art, Science and History) qurumunun birgə təşkilatçılığı ilə "İslam mədəniyyətində elm və texnologiya” adlı beynəlxalq simpozium öz işinə başladı.

Simpoziumda Azərbaycan Türkiyə İş Adamları Birliyinin (ATİB) İdarə Heyətinin sədri Cemal Yangın da iştirak edib.

Simpoziumun açılış proqramında Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı iştirakçıları salamladıqdan sonra elm tarixinin əhəmiyyəti və İslam mədəniyyətinin elm tarixindəki rolunun əhəmiyyəti haqqında danışdı. Sonra IRCICA-nın direktoru, fəlsəfə doktoru Halit Eren qurumun İslam mədəniyyətinin müxtəlif aspektlərinin tədqiqinə həsr olunmuş rolu haqqında danışaraq, simpoziumun bu fəaliyyətlərə öz töhfəsini verəcəyini bildirdi.

 Türkiyə Respublikasının Azərbaycandakı səfiri İsmail Alper Coşkun Xəzər Universitetinin elmin inkişafına dəstəklə əlaqəli təşkil etdiyi müxtəlif maraqlı tədbirlər arasında İslam mədəniyyətində elm mövzusuna həsr olunmuş bu simpoziumun böyük əhəmiyyət daşıdığını qeyd etdi. Akademik Vasim Məmmədəliyev İslam mədəniyyətinin dünya mədəniyyəti tarixinə töhfələri haqqında danışaraq, ölkəmizdə daha az bilinən bu sahənin aydınlanmasına həsr olunmuş simpoziumun işinə uğurlar arzuladı.


Vergilər Nazirliyinin yaradılmasının 15 illik yubileyinə həsr olunmuş "Azərbaycanın vergi sistemi: reallıqlar və perspektivlər" mövzusunda IV Vergi Forumunun Plenar iclası keçirilmişdir

Fevral ayının 9-da Bakıda Azərbaycan Respublikasının Vergilər Nazirliyinin yaradılmasının 15 illik yubileyinə həsr olunmuş "Azərbaycanın vergi sistemi: reallıqlar və perspektivlər" IV Vergi Forumu öz işinə başlamışdır.

Forumun Plenar iclasında Prezident Administrasiyasının, Milli Məclisin, Nazirlər Kabinetinin, digər dövlət orqanlarının,  Milli Elmlər Akademiyasının müvafiq strukturlarının, BMT-nin, Avropa Birliyinin, Dünya Bankının, Beynəlxalq Maliyyə Korporasiyasının, Rusiya, Türkiyə, Litva və Qazaxıstanın vergi xidməti orqanlarının, yerli  bankların, qeyri-hökumət təşkilatlarının, sahibkarların ictimai birliklərinin, kütləvi informasiya vasitələrinin nümayəndələri və iş adamları iştirak edir.

Forumda Azərbaycan Türkiyə İş Adamları Birliyinin (ATİB) sədri Cemal Yangın da iştirak edib.

“Xonça Kitchen” in açılış mərasimi keçirildi

29 yanvar 2015-ci ildə  ATİB üzvü olan "SR Group” şirkətinə daxil olan "Xonça Kitchen” in açılış mərasimi keçirildi. Açılışda ATİB İdarə Heyətinin üzvləri Mürsəl Rüstəmov və Oktay Vayiç iştirak etdi. "Xonça Kitchen” otelçilik və içtimai iaşə müəsissələri üçün geniş çeşidli məhsullar təklif edir. Şirkət bir sıra tanınmış xarici brendlərin Azərbaycanda rəsmi nümayəndəsidir.

ATİB üzvləri növbəti səhər yeməyinə toplaşdılar

24 yanvar 2015-ci ildə Azərbaycan Türkiyə İş Adamları Birliyi (ATİB) üzvləri artıq ənənə formasına düşmüş səhər yeməyində toplaşdılar. Müasir iş dünyasında formalaşmış yenilikləri Azərbaycana gətirən ATİB bu ənənə ilə üzvləri arasında işgüzar münasibətlərin qurulmasını və üzv şirkətlərin bir-birini daha yaxından tanımasında vasitəçilik etməyi nəzərdə tutur.

Türkiyənin Azərbaycandakı səfirliyinin Ekonomi  Müşaviri Esin Yücekayalı"Azərbaycan - Türkiyə iqtisadiyyatının ümumi dəyərləndirilməsi” mövzusuna aydınlıq gətirmək məqsədilə səhər yeməyinə qatıldı.

MİLLƏT VƏKİLİ QƏNİRƏ PAŞAYEVA VƏ TÜRKİYƏ KİV NÜMAYƏNDƏLƏRİ ATİB OFİSİNDƏ OLDULAR

Millət vəkili Qənirə Paşayeva ortaq problemlərimizin daha geniş şəkildə işıqlandırılması, Türkiyə və dünya ictimaiyyətinin diqqətinə daha geniş şəkildə çatdırılması üçün Azərbaycanın və Türkiyənin media nümayəndələri arasında əməkdaşlığın daha da genişləndirilməsinin vacibliyini vurğulayıb. Millət vəkili Qənirə Paşayeva eyni zamanda Azərbaycan-Türkiyə əlaqələrinin bu günü və perspektivləri barədə də danışıb.

Millət vəkili Qənirə Paşayeva və Türkiyə KİV nümayəndələri ATİB ofisində oldular

24 dekabr 2014-cü ildə Azərbaycan Türkiyə İş Adamları Birliyi (ATİB)  ofisində Millət vəkili Qənirə Paşayevanın rəhbərlik etdiyi Avrasiya Beynəlxalq Araşdırmalar İnstitutu İB-nin dəvəti ilə ölkəmizdə səfərdə olan GAP Qəzetəçilər Birliyinin rəhbəri Zeynel Abidin Kıymaz, GAP Qəzetəçilər Birliyinin üzvü, radyo temponun sahibi Hamit Özpolat, GAP Qəzetəçilər Birliyinin baş katibi Fahrettin Çelik, GAP Qəzetəçilər Birliyinin idarə heyətinin üzvü Mustafa Saim Ayhan, GAP Qəzetəçilər Birliyinin rəhbərinin müavini Durdu Mehmet Taş, Kanal 35TV Yayın Yönetmeni halit Tunç, Beyaz tv "Dinamıt” proqramının aparıcısı və müəllifi Latif Şimşek qonaq olub. Qonaqları ATİB İdarə Heyətinin sədri Cemal Yangın, İdarə Heyətinin üzvü Aydın Məmmədov və İdarə Heyətinin üzvü Rafiq Qarayev qəbul edib.

Əmək və Əhalinin Sosial Müdafiəsi Nazirliyinin nümayəndələri ATİB üzvləri ilə görüşdülər

24 dekabr 2014-cü ildə Azərbaycan Respublikasının Əmək və Əhalinin Sosial Müdafiəsi nazirinin müavini İdris İsayevin və Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin (DƏMX) rəisi Fuad Əlizadənin Azərbaycan Türkiyə İş Adamları Birliyinin (ATİB) üzvləri ilə görüşü keçirildi. Görüşdə Türkiyənin Azərbaycandakı səfirliyinin Əmək və Sosial müdafiə məsələləri üzrə müşaviri Namık Ata da iştirak edib.