ATİB İdarə Heyəti və ATİB Üzvləri Bakıda “Son məktub” filminin təqdimat mərasimində iştirak edib

Filmin ssenarisi Çanaqqala savaşından dövrümüzə gəlib çatan bir məktubun əsasında hazırlanıb. Əsas rollarda Tansel Öngel, Nəsrin Cavadzadə, Hüseyin Avni Danyal, Bülent Şakrak, Nərmin Hüseynova və Barbara Sotelsekin çəkildikləri ekran əsəri təyyarəçi Salih Ekrem ilə Nihal adlı tibb bacısının hekayətindən bəhs edir. Müharibənin ən çətin günlərində onlar Fuat adında kimsəsiz uşağı himayəyə götürürlər. "Kiçik qazi Fuat” ləqəbli bu uşaq Salih Yüzbaşı ilə tibb bacısı Nihalın arasındakı ülvi sevginin yeganə şahidi olur.

Azerbaijan Consulting Company və Holiday İnn Baku ATİB ailəsinə üzv qəbul edildi

2004-cü ildən fəaliyyətə başlayan Azərbaycan Türkiyə İş Adamları Birliyi üzv şirkətlər üçün yeni biznes imkanlarının yaradılması istiqamətində fəaliyyət göstərir və şirkətlərin biznesdə uğur qazanması üçün imkanları çərçivəsində hər cür dəstək verir. Məhz bu çalışma nəticəsində təşkilatla əməkdaşlıq etmək istəyən və özünü təşkilatın bir üzvü olaraq görən şirkətlərin sayı artır. ATİB yeni üzvlərini salamlayır və bundan sonra da üzvlərinin nailiyyətlərinin artırılması istiqamətində fəaliyyətlərini davam etdirəcəyini bildirir.

ATİB BEYNƏLXALQ TURİZM SƏRGİSİNDƏ İŞTİRAK ETDİ

Aprelin 4-dən 6-dək "AITF 2015” 14-cü Azərbaycan Beynəlxalq "Turizm və Səyahətlər” və "Horex Caucasus 2015” 7-ci Qafqaz Beynəlxalq "Mehmanxana, restoran və supermarketlər üçün avadanlıq və ləvazimatlar” sərgisi keçirilib. Birliyimizin üzvü İteca Caspian şirkətinin təşkil etdiyi bu sərgiyə Azərbaycan Türkiyə İş Adamları Birliyi (ATİB) öz stendi ilə qatılıb. ATİB eyni zamanda bu sərginin informasiya tərəfdaşı olub.