Millət vəkili Qənirə Paşayeva və Türkiyə KİV nümayəndələri ATİB ofisində oldular


24 dekabr 2014-cü ildə Azərbaycan Türkiyə İş Adamları Birliyi (ATİB)  ofisində Millət vəkili Qənirə Paşayevanın rəhbərlik etdiyi Avrasiya Beynəlxalq Araşdırmalar İnstitutu İB-nin dəvəti ilə ölkəmizdə səfərdə olan GAP Qəzetəçilər Birliyinin rəhbəri Zeynel Abidin Kıymaz, GAP Qəzetəçilər Birliyinin üzvü, radyo temponun sahibi Hamit Özpolat, GAP Qəzetəçilər Birliyinin baş katibi Fahrettin Çelik, GAP Qəzetəçilər Birliyinin idarə heyətinin üzvü Mustafa Saim Ayhan, GAP Qəzetəçilər Birliyinin rəhbərinin müavini Durdu Mehmet Taş, Kanal 35TV Yayın Yönetmeni halit Tunç, Beyaz tv "Dinamıt” proqramının aparıcısı və müəllifi Latif Şimşek qonaq olub. Qonaqları ATİB İdarə Heyətinin sədri Cemal Yangın, İdarə Heyətinin üzvü Aydın Məmmədov və İdarə Heyətinin üzvü Rafiq Qarayev qəbul edib.

Qonaqları salamlayan ATİB sədri birliyin fəaliyyəti barədə məlumat verərək, Ermənistanın işğal etdiyi Azərbaycan  torpaqlarında dinc insanlara qarşı törədilmiş vandalizm aktları, qətliamlar, soyqırımlar barədə geniş bilgi verib. 

Millət vəkili Qənirə Paşayeva ortaq problemlərimizin daha geniş şəkildə işıqlandırılması, Türkiyə və dünya ictimaiyyətinin diqqətinə daha geniş şəkildə çatdırılması üçün Azərbaycanın və Türkiyənin media nümayəndələri arasında əməkdaşlığın daha da genişləndirilməsinin vacibliyini vurğulayıb. Millət vəkili Qənirə Paşayeva eyni zamanda Azərbaycan-Türkiyə əlaqələrinin bu günü və perspektivləri  barədə də danışıb.

GAP Qəzetəçilər Birliyinin rəhbəri Zeynel Abidin Kıymaz, GAP Qəzetəçilər Birliyinin üzvü, radyo temponun sahibi Hamit Özpolat, GAP Qəzetəçilər Birliyinin baş katibi Fahrettin Çelik, GAP Qəzetəçilər Birliyinin idarə heyətinin üzvü Mustafa Saim Ayhan, GAP Qəzetəçilər Birliyinin rəhbərinin müavini Durdu Mehmet Taş, Kanal 35TV Yayın Yönetmeni halit Tunç, Beyaz tv "Dinamıt” proqramının aparıcısı və müəllifi Latif Şimşek ATİB sədrinə səmimi qəbula görə minnətdarlıqlarını bildiriblər. Onlar həmçinin, "Qarabağdan Anadoluya Könül Körpüsü” adlı bu anlamlı layihə çərçivəsində onları Azərbaycana dəvət etdiyi üçün millət vəkili,  Avrasiya Beynəlxalq Araşdırmalar İnstitutu İB-nin rəhbəri Qənirə Paşayevaya dəvət üçün təşəkkür edib,  Azərbaycanda olmaqdan, daha geniş tanımaqdan  məmnun  olduqlarını  və  Azərbaycanı özlərinə çox doğma hesab etdiklərini, burada özlərini vətəndəki kimi hiss etdiklərini bildiriblər.

Görüşdən sonra ATİB sədri qonaqları səmimi ortamda sohbətlərinə davam etmək üçün nahar yeməyinə dəvət etdi.

 

Millət vəkili Qənirə Paşayeva və Türkiyə KİV nümayəndələri ATİB ofisində oldular

 

Millət vəkili Qənirə Paşayeva və Türkiyə KİV nümayəndələri ATİB ofisində oldular

 

Millət vəkili Qənirə Paşayeva və Türkiyə KİV nümayəndələri ATİB ofisində oldular

 

Millət vəkili Qənirə Paşayeva və Türkiyə KİV nümayəndələri ATİB ofisində oldular

 

Millət vəkili Qənirə Paşayeva və Türkiyə KİV nümayəndələri ATİB ofisində oldular

 

Millət vəkili Qənirə Paşayeva və Türkiyə KİV nümayəndələri ATİB ofisində oldular