Xəbərlər » Səhifə 58 » Azərbaycan Türkiyə İş Adamları Birliyi

ÇANAQQALA ŞƏHİDLƏRİNİN ANIM GÜNÜ İLƏ ƏLAQƏDAR BAKIDAKI TÜRK ŞƏHİDLİYİNDƏ MƏRASİM KEÇİRİLDİ

Tarix:18-03-2015, 00:00

18 mart 2015-ci ildə Çanaqqala şəhidlərinin anım günü ilə əlaqədar Bakıdakı Türk Şəhidliyində mərasim təşkil edildi.

Əklil qoyma mərasimində Azərbaycan Türkiyə İş Adamları Birliyi (ATİB) İdarə Heyəti sədrinin müavini Cem Becel, ATİB İdarə heyəti üzvləri Kaya Karslı, Aydın Məmmədov, Rafiq Qarayev və ATİB Katibliyi nümayəndələri iştirak etdilər.

Türkiyə Cumhuriyyəti və Azərbaycan Respublikasının himnləri səsləndikdən sonra, tədbir iştirakçıları Türk şəhidlərinin məzarlarını ziyarət edib, abidə kompleksinə çələng qoyublar. Daha sonra mərasim iştirakçıları Şəhidlər Xiyabanında azərbaycanlı şəhidlərin məzarını ziyarət edib, Əbədi Məşəl Kompleksi önünə əklil qoyublar.

“Çanaqqala döyüşü Türkiyə və Azərbaycanın ortaq tarixidir”

Tarix:18-03-2015, 00:00

18 mart Çanaqqala döyüşünün ildönümüdür. Qardaş Türkiyə xalqının şanlı tarixi anlarından biri olan bu döyüş Birinci Dünya Müharibəsi zamanında 1915-1916-cı illər arasında Osmanlı İmperatorluğu ilə İttifaq Dövlətləri arasında baş verib. İttifaq Dövlətləri Osmanlı Dövlətinin paytaxtı İstanbulu almaq və boğazların idarəsini ələ keçirmək məqsədi güdürdü. Bunun üçün 1915-ci il fevral ayından başayaraq İttifaq Dövlətləri Çanaqqala istiqamətində hücum əməliyyatlarına başladılar. Ən böyük hücum isə martın 18-də baş verdi, amma aylarla davam edən hərbi əməliyyatlar nəticəsində düşmən məqsədinə nail ola bilmədi.

Türkiyə Cümhuriyyəti elan edildikdən sonra 18 mart tarixi Çanaqqala döyüşü şəhidlərinin Anma günü elan olunub.

Çanaqqala şəhidləri Azərbaycanda da daim xatırlanır. Qardaş ölkənin vətəni qorumaq üçün mübarizəsi təkrarolunmaz qəhrəmanlıq örnəyidir.

ATİB İdarə Heyəti "Park Palace" Sumqayıtın açılışında iştirak etdi

Tarix:17-03-2015, 00:00

17 Mart 2015-ci ildə Azərbaycan Türkiyə İş Adamları Birliyinin (ATİB) İdarə Heyəti üzvləri Sumqayıtda yerləşən "Park Palace" restoranın açılış mərasimində iştirak etdi. Mərasimdə İdarə heyəti sədrinin müavinləri Mürsəl Rüstəmov, Cem Becel və İdarə Heyətinin üzvləri Rafiq Qarayev, Kaya Karslı iştirak etdi. Onlar restoranın fəaliyyətində uğurlar diləyərək, daim öndə getməsini arzuladılar.

ATİB İdarə Heyəti sədrinin müavini Mürsəl Rüstəmov ASK-da Assosiasiya və İctimai Birliklərin fəaliyyəti barədə müzakirədə iştirak edib

Tarix:16-03-2015, 00:00

16 Mart 2015-ci ildə Azərbaycan Türkiyə İş Adamları Birliyinin (ATİB) İdarə Heyəti sədrinin müavini Mürsəl Rüstəmov ASK-da Assosiasiya və İctimai Birliklərin fəaliyyəti barədə müzakirədə iştirak etdi.

Qonaqları qarşılıqlı əməkdaşlığa dəvət edən, sahibkar hökumət münasibətlərindən söhbət açan Azərbaycan Sahibkarlar Konfederasiyasının (ASK) prezidenti Məmməd Musayev assosiasiya və ictimai birliklərin fəaliyyətini təhlil edib. O bildirib ki, ölkədə dövlət qeydiyyatından keçən 100-ə yaxın iqtisadi yönümlü ictimai birliklərin olmasına baxmayaraq, hələ də onların birgə fəaliyyəti qənaətbəxş səviyyədə deyil.

Mersin Ticaret ve Sanayi Odası ATİB ofisini ziyarət edib

Tarix:13-03-2015, 00:00

13 Mart 2015-ci ildə Mersin Ticaret ve Sanayi Odası iş adamlarından ibarət heyət ilə ATİB ofisini ziyarət etdilər.

Türk istiqlal marşının qəbul olunmasından 94 il ötür!

Tarix:13-03-2015, 00:00

Türkiyənin Milli İstiqlal Marşının Türkiyə Böyük Millət Məclisində (TBMM) qəbul olunmasından 94 il ötür.

1921-ci ildə - ölkədə istiqlal müharibəsinin (Qurtuluş savaşı) davam etdiyi dövrdə Təhsil Nazirliyi (Maarif Vəkaləti) milli marş üçün müsabiqə elan edir.

Müsabiqədə 724 nəfər iştirak etsə də, mərhum şair Məhmət Akif Ersoy sırf pul mükafatı verildiyinə görə bu yarışa qatılmaq istəmir.

ATİB sədri beynəlxalq çiçəkçilik və şəhərsalma sərgisinin açılış mərasimində çıxış edib

Tarix:12-03-2015, 00:00

12 Mart 2015-ci ildə Bakıda beynəlxalq çiçəkçilik, peyzaj və şəhərsalma sərgisi işə başlayıb.

ATİB İdarə heyəti III Beynəlxalq “Caspian Energy Forum–2015”-də iştirak edib

Tarix:11-03-2015, 00:00

11 Mart 2015-ci ildə Bakıda III Beynəlxalq "Caspian Energy Forum–2015” keçirilib. Forum Azərbaycan Respublikası Energetika Nazirliyinin, Azərbaycan Respublikası Dövlət Neft Şirkətinin (SOCAR) və Caspian European Club-un dəstəyi ilə baş tutub.

Forumda Azərbaycan Türkiyə İş Adamları Birliyinin (ATİB) İdarə Heyətinin sədri Cemal Yangın, Sədr müavini Mürsəl Rüstəmov, İdarə Heyətinin üzvü Rafiq Qarayev iştirak edib. ATİB sədri forumda çıxış edərək ATİB-in fəaliyyəti barədə geniş məlumat verib.

"Caspian European Club”un baş icraçı direktoru Telman Əliyev ATİB sədrinə sertifkat təqdim edib.

ATİB sədri Azərbaycana dair 2015-2020-ci illəri əhatə edən Ölkə Tərəfdaşlıq Çərçivəsi üzrə özəl sektorla məsləhətləşmələrdə iştirak edib

Tarix:10-03-2015, 00:00

10 Mart 2015-ci ildə Dünya Bankı Qrupunun 2015-2020-ci illəri əhatə edən Ölkə Tərəfdaşlıq Çərçivəsinin (ÖTÇ) hazırlanmasına başlaması ilə bağlı məlumatlandırmaq məqsədilə özəl sektorun aidiyyətli nümayəndələri ilə görüş keçirilib.

Bu görüşdə ATİB sədri Cemal Yangın da iştirak edib.

ATİB nümayəndə heyəti Gürcüstan-Türkiyə-Azərbaycan biznes forumunda iştirak edib

Tarix:6-03-2015, 00:00

6 Mart 2015-ci ildə Batumidə Azərbaycan İqtisadiyyat və Sənaye Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Gürcüstan-Türkiyə-Azərbaycan biznes forumu keçirilib

Forumda Azərbaycan Türkiyə İş Adamları Birliyinin (ATİB) İdarə Heyətinin sədri Cemal Yangın, İdarə Heyətinin üzvləri Rafiq Qarayev və Rəşad Rəsullu iştirak edib.