17 iyun 2025-ci il – Türkiyəli tələbələrin Məzuniyyət Günü və Tələbə Görüşü keçirilib

17 iyun 2025-ci il tarixində Azərbaycan Universitetləri Türkiyə Cümhuriyyəti Tələbələri Birliyinin (AZTÜRKBİR) təşkilatçılığı ilə Azərbaycanda təhsil alan Türkiyəli tələbələrin Məzuniyyət Günü və Tələbə Görüşü keçirilib.
Tədbirdə Türkiyə Respublikasının Gənclər və İdman Nazirinin müavini Enes Eminoğlu, Türkiyənin Azərbaycandakı səfiri Prof. Dr. Birol Akgün, səfirliyin müşavirləri, Gəncə Baş Konsulu Recep Öztop, MÜSİAD Azərbaycan İdarə Heyətinin sədri Rəşad Cabirli və heyəti, AZTÜRKBİR və Gənc MÜSİAD prezidenti Akif Başoğolu, universitet rəhbərləri, tələbələr və digər nümayəndələr iştirak ediblər.
Çıxış edənlər tələbələrin iki ölkə arasındakı münasibətlərə verdiyi töhfələrdən bəhs ediblər.
Sonda məzunlara rəmzi diplomlar təqdim olunub və xatirə fotosu çəkilib.