ATİB üzvlərinin növbəti görüşü “Seranit Azərbaycan”da keçirildi

Fevralın 25-də “Seranit Azərbaycan”ın ev sahibliyi ilə Azərbaycan-Türkiyə İş Adamları Birliyi (ATİB) üzvlərinin növbəti görüşü baş tutub. ATİB üzvləri arasında əməkdaşlıq və koordinasiyanı inkişaf etdirmək və yeni üzvləri Birliyə təqdim etmək məqsədi ilə təşkil edilən görüşdə Türkiyə Respublikasının ölkəmizdəki səfirliyinin Ticarət Baş Müşaviri Murat Yaman, Mətbuat Müşaviri Cihangir İşbilir, ATİB İdarə heyətinin və Birliyin üzvləri iştirak edib.

Tədbir zamanı Seranit Azərbaycan, “Fotoxalça” Şirkəti, İnci Şirkətlər Qrupu, CJ ICM FZCO şirkəti, Pegas Touristic Azerbaijan şirkəti, Allied Legal Partners Hüquq şirkətinin təqdimatları olub. Həmçinin, Seranit Azərbaycan mağazası ilə tanışlıq gəzintisi həyata keçirilib.